आमिर खान तिसऱ्यांदा चढणार बोहल्यावर?

मुंबई -

बॉलिवूडमध्ये सध्या लग्नसराईचा हंगाम जोरात सुरू आहे. अलीकडेच राजकुमार राव आणि पत्रलेखा यांनी त्यांच्या आयुष्याला नव्याने सुरुवात केली आणि आता सर्वांच्या नजरा कतरिना कैफ आणि विकी कौशल यांच्या लग्नाकडे लागल्या आहेत, जे डिसेंबरच्या दुसऱ्या आठवड्यात होणार आहे. पण आता बातमी येत आहे की, आमिर खानही तिसऱ्यांदा बोहल्यावर चढणार आहे. अलीकडेच आमिर खानने पत्नी किरण रावपासून अचानक घटस्फोट घेतला. त्यादरम्यान दोघांनीही आता आम्ही दोघे पती-पत्नी नसून सह-पालक आणि एकमेकांचे कुटुंब राहू, असे विधान केले होते. आमिर खान आणि किरण राव यांच्या या वक्तव्याने लोकांना आश्चर्याचा धक्का बसला होता.

आमिर खानशी लग्न करणार 'या' को-स्टारसोबत?
त्याचवेळी, आता सोशल मीडियावर चर्चा आहे की आमिर खान तिसऱ्यांदा लग्न करण्याचा विचार करत आहे आणि अभिनेता लवकरच तिसऱ्या लग्नाच्या गाठी बांधताना दिसणार आहे. असा दावा केला जात आहे की आमिर खान त्याचा आगामी चित्रपट 'लाल सिंह चड्ढा' रिलीज झाल्यानंतर लग्नाची घोषणा करेल. हा चित्रपट पुढील वर्षी एप्रिलमध्ये प्रदर्शित होणार आहे. त्यामुळे पुढील वर्षी एप्रिलमध्ये आमिर चाहत्यांना त्याच्या लग्नाची माहिती देऊ शकतो, असे मानले जात आहे. इतकेच नाही तर गॉसिपवर विश्वास ठेवला तर आमिर खान त्याच्या एका को-स्टारसोबत लग्नगाठ बांधणार आहे.

आमिरच्या घटस्फोटानंतर फातिमा सना शेख झाली ट्रोल
आमिर खान आणि किरण राव यांच्या अचानक घटस्फोटानंतर अभिनेत्री फातिमा सना शेख सोशल मीडियावर ट्रोल झाली. फातिमा आमिर खानसोबत 'दंगल' आणि 'ठग्स ऑफ हिंदोस्तान' या चित्रपटात दिसली होती. आमिर खान आणि फातिमा सना शेख रिलेशनशिपमध्ये असल्याची चर्चा होती. मात्र, हळूहळू ही अफवा शांत होत गेली.

यापूर्वी आमिरची झाली दोन लग्नं
आमिर खानने आतापर्यंत दोन लग्न केले आहेत. 1987 मध्ये अभिनेत्याने रीना दत्तासोबत पहिले लग्न केले. 2002 मध्ये दोघांचा घटस्फोट झाला. यानंतर आमिर खानने किरण रावचा हात धरला, पण दोघांचे नातेही फार काळ टिकले नाही. आमिर खानला इरा खान, जुनैद खान आणि आझाद राव खान अशी तीन मुले आहेत.