करुणा शर्मा काढणार स्वतःचा नवा पक्ष, नावही केले जाहीर
अहमदनगर -
अहमदनगरमध्ये जानेवारी अखेरीस मोठा मेळावा घेऊन पक्षाचे चिन्ह, पक्षाचा झेंडा, बोधचिन्ह आणि निवडणूक लढवण्या संदर्भातली आचारसंहिता जाहीर केली जाणार असल्याची माहिती करुणा शर्मा यांनी दिली आहे. बीडमधील परळी मतदारसंघातून निवडणूक लढवण्याचा मानस करुणा शर्मा यांनी व्यक्त केल्याचीही चर्चा आहे. तसं झाल्यास विद्यमान आमदार धनंजय मुंडे यांना शर्मांचं आव्हान असेल.
काही महिन्यांपूर्वी मुंबईच्या महापौर किशोरी पेडणेकर यांची करुणा शर्मा यांनी भेट घेतली होती. त्यानंतर करुणा यांनी आपण समाजसेविका आहोत. पुढे राजकारणातही येणार, असं सांगितलं होतं. इतकंच नाही तर आपल्याला आमदारकीची निवडणूक लढवायची असल्याचा मानसही करुणा यांनी बोलून दाखवला होता.