डी.एफ.एल अवॉर्ड्स, डिफेन्स फोर्स लीग एक्स आर्मीमेन संस्थेच्या वतीने “पोलीस गौरव” पुरस्कार कार्यक्रम संपन्न

पिंपरी - DFL अवॉर्ड्स आणि डिफेन्स फोर्स लीगच्या वतीने शनिवार दि.५ मार्च रोजी चिंचवड येथील सायन्स पार्क येथे पोलीस गौरव पुरस्कारांचे आयोजन करण्यात आले होते. पोलीस, माजी सैनिक, शास्त्रज्ञ, शिक्षणतज्ज्ञ एकाच व्यासपीठावर असण्याची शहरातील ही पहिलीच वेळ होती. भारताचे पहिले पॅरालिम्पिक सुवर्णपदक विजेता पद्मश्री मुरलीकांत पेटकर, ब्रिगेडियर हेमंत दधीच – VSM , इस्रोचे शास्त्रज्ञ डॉ. अरुणकुमार सिन्हा, भारतीय तांत्रिक संस्थेचे अध्यक्ष प्राध्यापक नंदकिशोर जगदाळे प्रमुख पाहुणे होते.

संगणक शास्त्रज्ञ पद्मश्री पद्मभूषण डॉ. विजय भटकर यांनी पोलीस पुरस्कार विजेत्यांना शुभेच्छा दिल्या. स्वागत सुभेदार मेजर यशवंत महाडिक यांनी केले. नो युवर आर्मी आणि नो युवर पोलीस मोहिमेचा परिचय डीएफएलचे संस्थापक नरेश गोल्ला यांनी केला.

डीवायएसपी आरिफा मुल्ला, एसीपी रुक्मिणी गलांडे, पीआय वर्षाराणी पाटील, पीआय रुपाली बोबडे, पीआय रेणुका कदम, पीएसआय दिलीप पालांडे, पोलीस नाईक आतिश खराडे (ज्यांनी देशभक्तीपर गीते गायली), पोलीस नाईक धनंजय पाटील, कॉन्स्टेबल अक्षय इंगवले, हेड कॉन्स्टेबल रमीजा गोलंदाज यांना पुरस्कार प्रदान करण्यात आला. सर्व पुरस्कार विजेत्यांनी त्यांच्या कथा आणि अनुभव शेअर केले. इस्रोचे शास्त्रज्ञ डॉ. सिन्हा यांनी संरक्षण सेवांमध्ये कृत्रिम बुद्धिमत्ता आणि तंत्रज्ञानाची गरज अधोरेखित केली.

डीवायएसपी आरिफा मुल्ला म्हणाल्या की, महिलांनीही त्यांच्या स्वप्नांचे अनुसरण केले पाहिजे आणि आपल्या देशाला अभिमान वाटावा यासाठी त्यांची प्रतिभा दाखवली पाहिजे. एसीपी रुक्मिणी गलांडे आणि पीआय वर्षाराणी पाटील यांनी महिला सक्षमीकरणासाठी डीएफएलच्या उपक्रमांना शुभेच्छा दिल्या. राष्ट्रीय प्रतीक ट्रॉफी, भारताचे संविधान पुस्तक देऊन पुरस्कारार्थींचा सत्कार करण्यात आला. प्रत्येक व्हीआयपी प्रेक्षकांना संविधानाच्या प्रस्तावनेची प्रत आणि फळ/फुलांचे रोप देण्यात आले.

आशिष गौंड, सुनील माऊसकर, महिला शरीरसौष्ठवपटू तन्वीर हक, अनिल जगताप, स्वप्नील कांबळे, चंद्रकांत आल्हाट, नीलेश नेवाळे यांना महाराष्ट्र गौरव पुरस्कार प्रदान करण्यात आला. कार्यक्रमाचे सूत्रसंचालन डीएफएल टेक्नॉलॉजीचे संचालक नीलेश विसपुते, चेतना कंठाळे यांनी केले. कार्यक्रमाचे आयोजक डीएफएलचे संस्थापक नरेश गोल्ला, सुनील वडमारे, माजी पॅरा कमांडो रघुनाथ सावंत, राजेंद्र जाधव, सिद्धराम बिराजदार, मुजीब खान, अजय खोमणे, मिस दृष्टी जैन, संदीप जाधव, रुतुराज अपराजित, निखिल अग्रवाल यांनी केले.