ॲड. धनंजय कोकणे कुटुंबियांकडून थेरगांवतील तमन्ना शेखचा सत्कार

पिंपरी, (प्रबोधन न्यूज) - महाराष्ट्र राज्य लोकसेवा आयोग परीक्षेत यश प्राप्त करून नायब तहसीलदारपदी निवड झाल्याबद्दल थेरगांव येथील तमन्ना शेख व तिच्या कुटुंबाचा सत्कार पिंपरी चिंचवड ॲडव्होकेटस् बार असोशिएशनचे माजी ऑडिटर ॲड. धनंजय मगन कोकणे व परिवरातर्फे करण्यात आला. २०२१-२२ मध्ये घेण्यात आलेल्या परीक्षेमध्ये तमन्ना शेख यांनी यश मिळवले. तिची नायब तहसीलदारपदी निवड झाली.

तमन्ना शेख हिच्या घरची परिस्थिती बिकट आहे. आई शिवणकाम करून कुटुंबाला हातभार लावते. वडील फोर्स मोटर्स कंपनीत कामाला आहेत. थेरगाव येथील आनंदवन सोसायटीत राहावयास असलेल्या शेख कुटुंबातील तमन्ना हिने कुठलाही क्लास न लावता महाराष्ट्र लोकसेवा आयोगाची परीक्षा दिली. तिसऱ्या प्रयत्नामध्ये मुलींमध्ये राज्यात ८ वी, सर्वसाधारण गटात १०६ वी येऊन तिची नायब तहसीलदार पदी निवड झाली आहे.

तमन्ना शेख या थेरगांव मधील आनंदवन सोसायटी येथील रहवासी आहेत. त्यांनी अगदी बिकट परीस्थितीत कुठेच क्लास न लावता परिक्षेची तयारी केली. त्यांच्या यशाचे सर्व क्षेय त्यांनी त्यांच्या कुटुंबाला दिले. ॲड. कोकणे व कुटूंबाने त्यांचे शाल, श्रीफळ व पुष्पगुच्छ देऊन सत्कार व पुढील वाटचालीस शुभेच्छा दिल्या.