2024 च्या निवडणुकीसाठी काँग्रेसने केली जय्यत तयारी; बनवले टास्क फोर्स

नवी दिल्ली, दि. 24 मे - 2024 च्या लोकसभा निवडणुकीसाठी काँग्रेसने तयारी सुरू केली आहे. पक्षाच्या अंतरिम अध्यक्षा सोनिया गांधी यांनी यासाठी एक टास्क फोर्स स्थापन केला आहे. यासोबतच 8 सदस्यीय राजकीय व्यवहार समिती (PAC) देखील स्थापन करण्यात आली आहे. काँग्रेसच्या पीएसीमध्ये खासदार राहुल गांधी, मल्लिकार्जुन खरगे, गुलाम नबी आझाद, अंबिका सोनी, दिग्विजय सिंग, आनंद शर्मा, केसी वेणुगोपाल, जितेंद्र सिंग या दिग्गज नेत्यांचा समावेश आहे.

2024 च्या निवडणुकीसाठी तयार करण्यात आलेल्या टास्क फोर्सच्या सदस्यांवर नजर टाकली तर त्यात पी चिदंबरम, मुकुल वासनिक, जयराम रमेश, केसी वेणुगोपाल, अजय माकन, प्रियंका गांधी, रणदीप सुरजेवाला, सुनील कांगोलू यांची नावे आहेत.

भारत जोडो यात्रेसाठी केंद्रीय नियोजन गटात अनेक बड्या चेहऱ्यांचा समावेश करण्यात आला आहे. यामध्ये दिग्विजय सिंग, सचिन पायलट, शशी थरूर, रणवीत सिंग बिट्टू, केजे जॉर्ज, जोथी मणी, प्रद्युत बोलडोलोई, जीतू पटवारी, सलीम अहमद यांचा समावेश करण्यात आला आहे.

पक्षाची स्थिती आणि पुढील रणनीती यावर चर्चा करण्यासाठी काँग्रेसने नुकतेच उदयपूर येथे चिंतन शिबिर आयोजित केले होते. या शिबिरात काँग्रेसच्या हंगामी अध्यक्षा सोनिया गांधी यांनी संघटनात्मक बदलाबाबत चर्चा केली होती. यासोबतच 2024 च्या लोकसभा निवडणुकीच्या तयारीसाठी राजकीय घडामोडींचा गट आणि टास्क फोर्सचीही घोषणा करण्यात आली.

विशेष म्हणजे काँग्रेसने आपल्या राष्ट्रीय योजनेत प्रियंका गांधी यांच्यासह G 21 गटाचे दोन नेते गुलाम नबी आझाद आणि शशी थरूर यांचा समावेश केला आहे.