लिथियमचा खजिना सापडल्याने सलाल कोटली गाव जगाच्या नकाशावर (video)

जम्मू-काश्मीर, (प्रबोधन न्यूज) - ज्या भागात लिथियम खनिजाचे साठे सापडले आहेत तो भाग लोकवस्तीने वेढलेला आहे. सुमारे सहा किलोमीटर परिसरात पसरलेल्या सलालची सालाल कोटली आणि सलाल कोट या दोन पंचायतींमध्ये विभागणी करण्यात आली आहे. यात एकूण 14 प्रभाग असून सुमारे 10,000 लोकसंख्या आहे.

सलाल कोटली येथील दमण कोटमध्ये लिथियमचा मुख्य साठा आढळून आला आहे. रियासी ते अर्नास या मुख्य रस्त्यावर असलेल्या सलाल कोटलीमध्ये 40 टक्के वरच्या आणि 60 टक्के खालच्या भागात लिथियमचा साठा आहे. जीएसआय टीमने सर्वेक्षण केलेले ठिकाण चिन्हांकित केले आहे.

नायबचे सरपंच राजिंदर सिंह यांनी सांगितले की, ज्या ठिकाणी लिथियम आहे, तो भाग दमन सलालपासून खाली वाहणाऱ्या चिनाब नदीपर्यंत आहे. यात सुमारे 200 घरे आहेत. शासकीय उच्च माध्यमिक शाळा, आरोग्य केंद्र, जुने पंचायत घर आणि नियाबत हे देखील सर्वेक्षण केलेल्या ठिकाणांच्या आसपास येतात. बहुतांश जमीन खाजगी असून त्याखाली लिथियमचे साठे सापडले आहेत.

लिथियम खनिजाच्या उपस्थितीची पुष्टी झाल्यानंतर आता जिल्हा मुख्यालयापासून 20 किलोमीटर अंतरावर वसलेल्या सलाल गावाच्या डोंगरात इतरही अनेक महत्त्वाची खनिजे असण्याची शक्यता वर्तवण्यात येत आहे. सलाल कोटली गावात सापडलेल्या लिथियम खनिजाच्या साठ्याचा सविस्तर अहवाल लवकरच तयार करण्यात येणार असल्याचे सूत्रांनी सांगितले.

सलाल कोटली गावात, सहा हेक्टर (सुमारे 120 कनाल) जमिनीत 5.9 दशलक्ष टन सर्वात हलके खनिज लिथियम म्हणजेच पांढरे सोने सापडले आहे. भारतीय भूवैज्ञानिक सर्वेक्षण (GSI) चे तज्ज्ञ गेल्या पाच वर्षांपासून या गावात सर्वेक्षण करत होते. अधिकृत सूत्रांनी सांगितले की, लिथियम खनिजांच्या साठ्याची घनताही खूप जास्त आहे. म्हणजेच ज्या भागात हे खनिज सापडले आहे, त्या भागात लिथियम मोठ्या प्रमाणात काढता येतो.

https://www.youtube.com/watch?v=1npsH8RI7Wk

Click Here To See More