'या' घरगुती उपायांनी रक्तातील साखरेवर नियंत्रण ठेवा !

मुंबई -

सध्या कमी वयातील लोक मधुमेहाने ग्रस्त झाल्याचे दिसत आहेत. याला कारणीभूत आहे, लठ्ठपणा, खाण्यापिण्याच्या चुकीच्या सवयी, व्यायाम न करणे, ताणतणाव घेणे, आनुवंशिकता इ. हा आजार आटोक्यात ठेवणे अत्यंत आवश्यक आहे. अन्यथा प्रसंगी जीवावरही बेतू शकते. मधुमेहावर नियंत्रण ठेवण्यासाठी मधुमेही रुग्ण काही घरगुती उपायांचा अवलंब करू शकतात. चला त्याबद्दल जाणून घेऊया...

० आवळा
आवळा व्हिटॅमिन सी, इतर पोषक तत्वे, अँटी-ऑक्सिडंट्स आणि औषधी गुणधर्मांनी युक्त असल्यामुळे साखर नियंत्रित ठेवण्यास मदत होते. याचे सेवन तुम्ही ज्यूस, लोणचे, मुरंबा या स्वरूपात करू शकता.

० पेरूची पाने
पेरूची पाने १ ग्लास पाण्यात उकळून गाळून घ्या. दिवसातून दोनदा ते प्यायल्याने साखर नियंत्रणात राहते.

० दालचिनी पूड
कोमट पाण्यासोबत दालचिनी पावडर घ्या. यामुळे मधुमेहाची समस्या मुळापासून दूर होईल.

० जांभळाची बी
जांभळाची बी सुकवून पावडर बनवा. रिकाम्या पोटी १ चमचा पावडर १ ग्लास कोमट पाण्यासोबत घेतल्याने साखर नियंत्रणात राहते.

* तुळशीची पाने
तुळशीची दोन-तीन पाने सकाळी रिकाम्या पोटी गिळून घ्या किंवा चहा बनवून प्या. यामुळे रक्तातील साखरेची पातळी वाढणार नाही किंवा कमी होणार नाही.

० मेथीचे दाणे
मेथीच्या दाण्यांमध्ये विरघळणारे फायबर असते. ते पचन वेगाने वाढवतात आणि कार्बोहायड्रेट्सचे शोषण कमी करतात. ते रक्तातील साखर कमी करण्यास मदत करते. याशिवाय मेथी दाणे टाइप 1 आणि टाइप 2 मधुमेह दोन्ही मॅनेज करण्यात मदत करते. मेथीचे दाणे भिजवून मोड आणून किंवा पावडर बनवून तुम्ही खाऊ शकता.

० कारल्याचा रस
जर तुम्ही मधुमेहाचे रुग्ण असाल तर दररोज कारल्याचा किंवा कडूलिंबाचा रस प्या. त्यामुळे साखर वाढणार नाही.

० जास्वंद पावडर
जास्वंदाची फुले आणि पाने दोन्ही शरीरातील साखरेची पातळी कमी करण्यास मदत करतात. अशा परिस्थितीत मधुमेही रुग्ण चहा किंवा डेकोक्शन बनवून त्याचे सेवन करू शकतात. याशिवाय जास्वंद पावडर गरम पाण्यासोबत सेवन करता येते.