आठवड्यापूर्वी लॉन्च झालेल्या 'या' गेमच्या डाउनलोड्सने ओलांडला एक कोटीचा टप्पा !
गेल्या आठवड्यात जागतिक प्रक्षेपणानंतर, अनेक भारतीय खेळाडूंना या गेममुळे समस्यांचा सामना करावा लागला. अनेक तास खेळ खेळण्यात खेळाडूंना अपयश आले. डाउनलोडचा हा आकडा गुगल प्ले-स्टोअरवरून आहे. ऍपल ऍप स्टोअरवर किती डाउनलोड झाले याबाबत सध्या कोणतीही माहिती उपलब्ध नाही.
पब्जी बॅटल रॉयल, 4v4 डेथमॅच आणि ट्रेनिंग ग्राउंड या तीन वेगवेगळ्या गेम मोडसह न्यू स्टेट सादर केले आहे. खेळाडूंना इनगेम बक्षिसे देखील मिळतील. कंपनीने चार दिवसीय स्ट्रीम पार्टी देखील आयोजित केली आहे जी 12 नोव्हेंबरपासून सुरू होत आहे आणि 15 नोव्हेंबरपर्यंत चालेल. मॉर्टल, स्काउट, डायनॅमो, तन्मय भट्ट यांसारखे प्रभावशाली मंडळी या पार्टीला उपस्थित राहणार आहेत. 15 नोव्हेंबरपासून प्ले विथ फ्रेंड्स मोहीमही सुरू होत आहे.
पब्जी न्यू स्टेट हा गेम 2051 सालच्या धर्तीवर तयार करण्यात आले आहे. गेम तुम्हाला 2051 मध्ये येणारी वाहने, शस्त्रे, नवीन नकाशे आणि अधिकची झलक देईल. हा गेम Krafton ने प्रकाशित केला आहे जी दक्षिण कोरियाची व्हिडिओ गेमिंग कंपनी आहे. तीच कंपनी भारतात पब्जीचा नवीन अवतार, बॅटलग्राउंड मोबाईल इंडिया (Battleground Mobile India) चालवत आहे.