500 मुलींमध्ये स्वतःला एकटा पाहून मुलगा बेशुद्ध पडला

नालंदा (बिहार) (प्रबोधन वृत्तसेवा) - बिहारमधील नालंदामध्ये एक विचित्र प्रकरण समोर आले आहे. जिथे 12 वीचा विद्यार्थी परीक्षा हॉलमध्ये 500 मुलींमध्ये स्वत:ला एकटा पाहून घाबरला आणि नंतर बेशुद्ध पडला. त्यानंतर त्याला रुग्णालयात दाखल करण्यात आले. आता त्यांची प्रकृती स्थिर आहे.

खरं तर, बिहार शरीफच्या अल्लामा इक्बाल कॉलेजचा एक विद्यार्थी मणिशंकर ब्रिलियंट स्कूलमध्ये त्याच्या बारावीच्या बोर्डाच्या परीक्षेला बसण्यासाठी आला होता. आणि ज्या परीक्षा केंद्रावर तो पोहोचला, तिथे 500 मुलींमध्ये तो एकटाच मुलगा होता. हे कळताच तो घाबरला आणि नंतर बेशुद्ध पडला. त्याला हॉस्पिटलमध्ये दाखल करण्यापर्यंत पाळी आली. त्याचवेळी, विद्यार्थ्याच्या कुटुंबीयांचे म्हणणे आहे की, अस्वस्थतेमुळे तो बेहोश झाला, त्याला ताप आला आणि त्याला रुग्णालयात नेण्यात आले.

जेव्हा विद्यार्थी परीक्षा केंद्रावर गेला तेव्हा त्याने पाहिले की खोली मुलींनी भरलेली आहे, त्यामुळे तो घाबरला आणि त्याला ताप आला. या विद्यार्थ्याला रुग्णालयात उपचारासाठी दाखल करण्यात आले असून, त्याची प्रकृती सध्या स्थिर आहे.

बिहारमध्ये १ फेब्रुवारीपासून उच्च माध्यमिक बोर्डाच्या परीक्षा सुरू झाल्या आहेत. यासाठी राज्यात 1464 परीक्षा केंद्रे स्थापन करण्यात आली आहेत. यावेळी एकूण 13 लाख 18 हजार 227 विद्यार्थी आंतर परीक्षेला बसले आहेत. यामध्ये 6 लाख 36 हजार 432 मुली आणि 6 लाख 81 हजार 795 मुलांचा समावेश आहे. बिहार शालेय परीक्षा मंडळ ही परीक्षा घेत आहे.