राजस्थानमध्ये भाजपने दुसऱ्या उमेदवाराची आशा सोडल्याची दिली कबुली

भाजप महाराष्ट्रातही तोच कित्ता गिरवणार असल्याची चर्चा

मुंबई, (प्रबोधन न्यूज) - चार राज्यांतील राज्यसभेच्या 16 जागांसाठी शुक्रवारी मतदान होत आहे. यामध्ये राजस्थानमधील 4, हरियाणातील 2, महाराष्ट्रातील 6 आणि कर्नाटकातील 4 जागांचा समावेश आहे. चारही राज्यात मतदान होत आहे. राजस्थानमध्ये भाजपच्या शोभाराणी यांनी काँग्रेसचे उमेदवार प्रमोद तिवारी यांना मतदान केले आहे.

राजस्थानमध्ये भाजपला मोठा धक्का बसला आहे. धोलपूरच्या भाजप आमदार शोभाराणी कुशवाह यांनी मतदान करताना चूक केली आहे. शोभरानी यांनी काँग्रेसचे प्रमोद तिवारी यांना मतदान केल्याची चर्चा आहे. सूत्रांनी दिलेल्या माहितीनुसार भाजपची दोन मते फेटाळली जाऊ शकतात. शोभरानी यांच्याशिवाय बांसवाडा येथील गढी येथील भाजप आमदार कैलाशचंद मीना यांनीही मतदानात चूक केली आहे. त्याचे मत फेटाळले जाऊ शकते, सीसीटीव्ही पाहून निर्णय घेतला जाईल.

तत्पूर्वी, आमदारांच्या घोडेबाजाराची शक्यता लक्षात घेऊन प्रशासनाने आमेर भागात १२ तास इंटरनेट बंद केले आहे. दुसरे प्रकरण म्हणजे बसपातून काँग्रेसमध्ये आलेल्या 6 आमदारांचे मतदान. राजस्थानचा निकाल रोखण्यासाठी सर्वोच्च न्यायालयात याचिका दाखल करण्यात आली आहे.

राजस्थानमध्ये भाजपच्या पाठिंब्यावर उद्योगपती सुभाष चंद्रा मैदानात उतरले आहेत. आता भाजप आमदारांनी मतदानात घातलेल्या घोळामुळं चंद्रा यांच्या विजयाची शक्यता धूसर झाली आहे. खुद्द भाजपचे प्रदेशाध्यक्ष सतीश पूनिया यांनीच याबाबत कबुली दिली आहे. पूनिया यांनीच आधी भाजपचे दोन्ही उमेदवार निवडून येतील, असा दावा केला होता. आता यू-टर्न घेत भाजपचा एक उमेदवार निवडून येईल, असे त्यांनी जाहीर केले. आम्ही भाजप पुरस्कृत उमेदवारासाठी प्रयत्न करून काँग्रेसला गुडघ्यावर आणले, असा दावाही त्यांनी केला.