पुणे रेल्वे स्टेशनवर बॉम्ब ? सर्व गाड्या तत्काळ थांबवल्या

पुणे, दि. 13 मे - पुणे रेल्वे स्टेशन वर आज्ञात व्यक्तीने ठेवला बॉम्ब सदृश्य वस्तू सापडली आहे. यानंतर तत्काळ प्लॅटफॉर्म क्रमांक १ आणि २ वर वाहतूक थांबवण्यात आली आहे. दोन्ही फलाटं रिकामी करण्यात आली आहेत. घटनास्थळी बॉम्ब शोधक पथक असून सर्व नागरिकांना परिसरापासून लांब पाठवण्यात आलं आहे.

संबंधित वस्तू रेल्वे स्टेशनच्या नजीकच्या मैदानात नेण्यात आली आहे. सध्या पोलीस याठिकणी पोहोचले असून बॉम्ब डिफ्युज करणाऱ्या पथकानं तत्काळ कार्यवाहीला सुरुवात केली आहे. जिलेटिनच्या कांड्या असल्याचं प्राथमिक वृत्त असून हे कारस्थान कोणी केलं, याचा पोलीस शोध घेत आहेत.

रेल्वे स्टेशनच्या मुख्य प्रवेशद्वारापाशी परिसरात बी बॉम्बसदृश वस्तू सापडली. ही स्फोटके नक्की कोणत्या स्वरुपाची आहेत, हे अद्याप स्पष्ट झालेलं नाही. या घटनेची माहिती मिळताच बॉम्बशोधक पथक घटनास्थळी पोहोचले आहे. या घटनेनंतर सुरक्षायंत्रणांनी वेगाने हालचाली सुरु केल्या आहेत. तसेच पुण्याचे पोलीस आयुक्त अमिताभ गुप्ता याठिकाणी तातडीने पोहोचले आहेत.