भारतीय संघाने मागील चार सामन्यात बदलले तीन कर्णधार, 2005 मध्येही असे घडले होते, जाणून घ्या संपूर्ण तपशील

नवी दिल्ली -

दक्षिण आफ्रिकेविरुद्धच्या दुसऱ्या कसोटी सामन्यात लोकेश राहुल भारतीय संघाचा कर्णधार आहे. विराटच्या पाठीला दुखापत झाल्यानंतर राहुलकडे टीम इंडियाची कमान सोपवण्यात आली आहे. गेल्या चार सामन्यांमध्ये भारतीय संघ तीन वेगवेगळ्या कर्णधारांसह मैदानात उतरला आहे. T20 विश्वचषकानंतर भारताने एकूण चार कसोटी सामने खेळले असून यादरम्यान तीन खेळाडूंनी भारताचे नेतृत्व केले आहे, तर धोनीच्या निवृत्तीनंतर विराट हा भारताचा कर्णधार आहे.

० न्यूझीलंडविरुद्धच्या मालिकेतही भारताने दोन्ही सामने वेगवेगळ्या कर्णधारांसह खेळले. आता आफ्रिकेविरुद्धही असाच प्रकार घडला आहे. यादरम्यान विराट वेगवेगळ्या कारणांमुळे संघाबाहेर आहे. त्याचवेळी रहाणेच्या खराब कामगिरीनंतर त्याला संघाच्या उपकर्णधारपदावरून हटवण्यात आले आहे.

० गेल्या चार सामन्यांमध्ये रहाणे, विराट आणि राहुलने कर्णधारपद भूषवले
न्यूझीलंडविरुद्धच्या मालिकेतील पहिल्या सामन्यात अजिंक्य रहाणे भारताचा कर्णधार होता, कारण विराटने T20 विश्वचषकानंतर विश्रांती घेतली होती. यानंतर विराटने दुसऱ्या सामन्यात पुनरागमन करत संघाचे नेतृत्व केले. विराट आफ्रिकेविरुद्धच्या मालिकेतील पहिल्या सामन्यातही भारताचा कर्णधार होता, मात्र दुसऱ्या सामन्यापूर्वी त्याला पाठीचा त्रास झाला आणि त्याच्या जागी लोकेश राहुल या सामन्यात भारताचे कर्णधारपद सांभाळत आहे.

० कसोटीत उपकर्णधारपदाचा 'ड्रामा'
न्यूझीलंडविरुद्धच्या मालिकेत अजिंक्य रहाणे हा भारताचा उपकर्णधार होता आणि विराटच्या अनुपस्थितीत त्याने संघाची जबाबदारीही घेतली होती. ही जबाबदारी ते बराच काळ पार पाडत होते. मात्र, त्याच्या खराब फॉर्ममुळे त्याच्याकडून ही जबाबदारी काढून घेण्यात आली आणि त्याच्या जागी रोहित शर्माला कसोटी संघाचा उपकर्णधार बनवण्यात आले. उपकर्णधार झाल्यानंतर रोहित पहिला खेळण्यापूर्वीच जखमी झाला आणि लोकेश राहुलकडे ही जबाबदारी सोपवण्यात आली. आता विराट संघाबाहेर असताना राहुलही भारताचे नेतृत्व करत आहे.

०2005 मध्येही हा प्रकार घडला
2005 मध्येही भारतीय संघाने चार सामन्यांमध्ये तीन कर्णधार बदलले. सौरव गांगुली, राहुल द्रविड आणि वीरेंद्र सेहवाग यांनी त्यावेळी भारताचे नेतृत्व केले होते. सौरव गांगुली सप्टेंबर 2005 मध्ये भारताचा कर्णधार होता आणि झिम्बाब्वेविरुद्धच्या मालिकेतही त्याने संघाचे नेतृत्व केले होते. यानंतर डिसेंबरमध्ये श्रीलंकेविरुद्धच्या मालिकेत द्रविड दोन सामन्यांसाठी संघाचा कर्णधार होता. तिसऱ्या सामन्यातही तो उपलब्ध नव्हता आणि वीरेंद्र सेहवागने भारताचे नेतृत्व केले.