प्रतिभावान तरीही अयशस्वी विनोद कांबळी आहेत 'इतक्या' संपत्तीचे मालक !

मुंबई -

असा क्रिकेटचा स्टार, ज्याची सुरुवात दमदार होती, पण त्याची गणना अयशस्वी क्रिकेटपटूंमध्ये केली जाते. अप्रतिम प्रतिभा असली तरी तो उंची गाठू शकला नाही. येथे बोलत आहोत माजी भारतीय क्रिकेटपटू विनोद कांबळीबद्दल. विनोद कांबळी यांचा आज ५० वा वाढदिवस आहे. १८ जानेवारी १९७२ रोजी मुंबईत जन्मलेला कांबळी त्याच्या कर्तृत्वापेक्षा जास्त वादांसाठी लक्षात राहतो. एक काळ असा होता की शाळेच्या सामन्यात कांबळीने सचिनपेक्षा चांगली कामगिरी केली होती.त्याचे गुरू रमाकांत आचरेकर यांनीही कांबळीला सचिनपेक्षा जास्त प्रतिभावान मानले होते. मात्र, कांबळीचे नशीब त्याला साथ देत नव्हते. तथापि, विनोद कांबळीची क्रिकेट कारकीर्द लहान असली तरी भक्कम आणि विक्रमांनी भरलेली आहे. सचिनने कांबळीसोबत पदार्पण केले होते पण सचिन आज क्रिकेटचा देव बनला आणि विनोद कांबळी मात्र कुठेतरी विस्मृतीत गेलेले दिसतात. विनोद कांबळी सध्या काय करत आहेत हे तुम्हाला माहीत आहे का? ते कसे कमावतात? कांबळीची एकूण संपत्ती किती? माजी क्रिकेटपटू विनोद कांबळी यांच्या जीवनशैलीबद्दल सर्व काही जाणून घेऊया.

० विनोद कांबळीची एकूण संपत्ती

मीडिया रिपोर्ट्सनुसार, माजी क्रिकेटर विनोद कांबळीची संपत्ती 1.6 मिलियन डॉलर आहे. ते वर्षाला ४ लाख कमावतात. त्यांचे मुंबईत स्वतःचे घर आहे.

० विनोद कांबळी दरमहा 'इतके' कमावतात

कांबळीच्या कमाईबद्दल बोलायचे झाले तर तो दरमहा ३२ हजार कमावतो. कांबळीच्या कमाईचा मुख्य स्त्रोत क्रिकेट असला तरी त्याने चित्रपटांमध्ये अभिनय समालोचक म्हणूनही काम केले आहे.

० विनोद कांबळीचा विक्रम

. विनोद कांबळीने वयाच्या अवघ्या २१व्या वर्षी पहिल्या ७ कसोटीत २ द्विशतके आणि २ शतके झळकावली होती.

. कांबळीने रणजी ट्रॉफीच्या पहिल्याच चेंडूवर षटकार ठोकला.

. विनोद कांबळीने कसोटी क्रिकेटमध्ये सर्वात जलद १००० धावा केल्या होत्या, हा विक्रम आजपर्यंत कोणीही तोडू शकले नाही.

० विनोद कांबळी आणि वाद

. सचिन आणि कांबळी हे चांगले मित्र असल्याचे म्हटले जाते परंतु २००९ मध्ये कांबळीने एका टीव्ही कार्यक्रमादरम्यान सांगितले होते की जेव्हा त्याला सचिनची सर्वात जास्त गरज होती तेव्हा त्याने कांबळीला मदत केली नाही. यानंतर सचिन आणि कांबळी यांच्यातील अंतर वाढत गेले आणि सचिनने २०१३ मध्ये त्याच्या फेअरवेल पार्टीत विनोद कांबळीला फोन केला नाही किंवा त्याच्याबद्दल उल्लेखही केला नाही.

. कांबळीने 1996 मध्ये श्रीलंकेविरुद्धच्या उपांत्य सामन्यात भारताच्या पराभवाला फिक्सिंग म्हणून जबाबदार धरले होते आणि तत्कालीन कर्णधार मोहम्मद अझरुद्दीन आणि इतर फलंदाज आणि संघाच्या व्यवस्थापकावर आरोप केले होते.

. २०१५ मध्ये कांबळीने उघडपणे नवज्योत सिंग सिद्धूला शिवीगाळ केली होती, त्यानंतर तो वादात सापडला होता.

. २०१५ मध्ये कांबळी आणि त्याच्या पत्नीविरोधात घरातील मोलकरणीने एफआयआर दाखल केला होता. पगाराच्या मागणीवरून विनोद कांबळी आणि अँड्रिया यांनी मोलकरणीला मारहाण करून तीन दिवस खोलीत कोंडून ठेवल्याचा आरोप करण्यात आला आहे.

. गायक अरिजित सिंगच्या वडिलांची हत्या केल्याप्रकरणी कांबळी आणि त्याची पत्नीही वादात सापडली होती.