Posts
चढ्या दरामुळे आंबा खरेदीकडे ग्राहकांची पाठ
मागणी नसल्याने उत्पादकांसह व्यापारीही अडचणीत
डॉ. आंबेडकर जयंतीनिमित्त उत्थान फाउंडेशनतर्फे विद्यार्थ्यांना शालेय वस्तूंचे वाटप
पिंपरी, (प्रबोधन न्यूज) - भारतीय घटनेचे शिल्पकार डॉ. बाबासाहेब आंबेडकर यांच्या १३० व्या जयंतीचे औचित्य साधून उत्थान फाउंडेशन, पिंपरी चिंचवड शहर यांच्या तर्फे गरजू विद्यार्थ्यांना शालोपयोगी वस्तूंचे वाटप करण्यात आले. फाउंडेशनचे संस्थापक-अध्यक्ष हरप्रितसिंग यांच्या अध्यक्षतेखाली संकल्प पुष्पमाला समिती, पिंपरी चिंचवड शहर, यांच्या तर्फे दरवर्षी गरजू विद्यार्थ्यांसाठी वही, पुस्तके, पेन अशा शालेय उपयोगी वस्तूंचे संकलन करून महाराष्ट्रातील १५ जिल्ह्यात वाटप केले जाते. त्याच अनुषंगाने हरप्रितसिंग यांच्या अध्यक्षतेखाली उत्थान फाउंडेशनतर्फे आज (दि. १४) ५० डझन वह्या व ५०० पेन चे वाटप करण्यात आले. सदर कार्यक्रमासाठी संकल्प पुष्पमाला समिती, पिंपरी चिंचवड शहर चे समन्वयक रमेश जाधव, उत्थान फाउंडेशनचे संस्थापक-अध्यक्ष हरप्रीत सिंग, पिंपरी चिंचवड शहर युवक काँग्रेसचे अध्यक्ष नरेंद्र बनसोडे, महाराष्ट्र राज्य एनएसयूआयचे उपाध्यक्ष उमेश खंदारे आणि उत्थान फाउंडेशनचे कार्यकर्ते जावेद शेख,अतुल आल्हाट, अमोल सूर्यवंशी, मंगेश शेटे, सागर अवसरे, सुरज पांचाळ आदी मान्यवर उपस्थित होते.
विद्यार्थ्यांना वह्या-पुस्तके न देताच ठेकेदारांवर पिंपरी-चिंचवड महापालिका मेहरबान
पिंपरी चिंचवड महापालिकेच्या माध्यमिक शाळांमध्ये विद्यार्थ्यांना अद्याप वह्या-पुस्तके वाटप करण्यात आलेले नाहीत.
राज्यातील जनतेसाठी तब्बल साडेपाच हजार कोटींचे पॅकेज
मुख्यमंत्र्यांनी राज्यातील गोरगरिब जनतेचा विचार करत त्यांच्यासाठी तब्बल ५ हजार ४७६ कोटींचे आर्थिक पॅकेजही जाहीर केले आहे.
बिटकॉईनची पुन्हा बाजारात चलती ! जाणून घ्या कशी पोहोचली आभासी चलनाची ५० लाखापर्यंत किंमत ?
नवी दिल्ली, (प्रबोधन न्यूज) - जगातील सर्वात मोठी आणि लोकप्रिय क्रिप्टोकरन्सी बिटकॉइनची किंमत 64,600 डॉलरवर पोहोचली आहे. भारतीय रुपयांनुसार, बिटकॉईनची किंमत सुमारे 48.5 लाख रुपये आहे, जी आतापर्यंतची सर्वोच्च पातळी आहे. 4 जानेवारी रोजी, एक बिटकॉइनची किंमत, 27,734 होती. 9 फेब्रुवारी रोजी, बिटकॉइनची किंमत $ 44,141 वर पोहोचली. 17 मार्च रोजी, एक बिटकॉइनने $ 55,927.77 डॉलर गाठला. 1 एप्रिल रोजी बिटकॉइनची किंमत 60 हजार डॉलर्सच्या पुढे गेली. मोठ्या गुंतवणूकदारांनी आणि किरकोळ गुंतवणूकदारांनी बिटकॉइनकडे मोर्चा हलविल्यामुळे त्याची किंमत वाढली आहे. ब्लूमबर्ग बिटकॉइन (बीटीसी) तज्ज्ञांचा असा दावा आहे की त्याची किंमत चार लाख डॉलर्स म्हणजेच 2 कोटी 98 लाख 64 हजार 140 रुपयांपर्यंत पोहोचू शकते. बिटकॉइन म्हणजे काय? बिटकॉइन हे आभासी चलन आहे. याची सुरुवात २००९ मध्ये झाली, जी आता हळूहळू इतकी लोकप्रिय झाली आहे की एका बिटकॉईनची किंमत लाखो रुपयांच्या बरोबरीत पोचली आहे. त्यास क्रिप्टोकरन्सी असेही म्हणतात, कारण ते देय देण्यासाठी क्रिप्टोग्राफी वापरतात. म्हणजेच आता या चलनाला भविष्यातील चलन देखील म्हटले जाऊ शकते. व्यवहार कसा केला जातो? बिटकॉइन व्यवहारासाठी, ग्राहकांना एका खासगी की (key) शी कनेक्ट केलेल्या डिजिटल माध्यमांद्वारे देय संदेश पाठवावा लागतो, जो जगभरात पसरलेल्या केंदीय नेटवर्कद्वारे सत्यापित केला जातो. याद्वारे देय देणे डेबिट किंवा क्रेडिट कार्डद्वारे केलेल्या देयकासारखे नाही. बिटकॉइन हे एक आभासी चलन आहे, जे केवळ ऑनलाइन व्यवहारांसाठी वापरले जाते. रिझर्व्ह बँक ऑफ इंडियाने 2018 मध्ये बंदी घातली रिझर्व्ह बँकेने वर्ष 2018 मध्ये एक परिपत्रक जारी करून क्रिप्टोकरन्सी व्यवसायावर बंदी घातली होती. परंतु मार्च 2020 मध्ये, सर्वोच्च न्यायालयाने आभासी चलनाच्या या व्यापारास मान्यता दिली, ज्यास क्रिप्टोकरन्सी देखील म्हटले जाते. कोर्टाच्या या आदेशानंतर बिटकॉइन सारख्या आभासी चलनात कायदेशीररित्या व्यवहार करता येतात. भारतात क्रिप्टोकरन्सी खरेदी-विक्रीसाठी 10 वर्ष तुरूंगवासाची तरतूद होती क्रिप्टोकरन्सीवरील बंदी आणि अधिकृत डिजिटल चलन विधेयक, 2019 च्या मसुदेनुसार, देशात क्रिप्टोकरन्सी विकत घेणाऱ्यांना 10 वर्षांच्या तुरूंगवासाची शिक्षा प्रस्तावित करण्यात आली आहे. मसुद्यानुसार, जे क्रिप्टोकरन्सी तयार करतात, विक्री करतील, क्रिप्टोकरन्सी ठेवतील, एखाद्याला पाठवतील किंवा क्रिप्टोकरन्सीमध्ये कोणत्याही प्रकारचा करार करतील, त्यांना शिक्षेची तरतूद होती. या सर्व प्रकरणात दोषी ठरलेल्यांना 10 वर्षापर्यंतची तुरूंगवासाची शिक्षा मिळत असे. पण आता सर्वोच्च न्यायालयाने ही बंदी उठवली आहे. क्रिप्टोकरन्सीवर होतोय विचार - आरबीआय गव्हर्नर अलीकडेच रिझर्व्ह बँक ऑफ इंडियाचे (आरबीआय) गव्हर्नर शक्तीकांता दास यांनी क्रिप्टोकरन्सीबद्दल सांगितले की, केंद्रीय बँक या संदर्भात आर्थिक स्थिरतेबद्दलच्या चिंतेचे मूल्यांकन करीत आहे. आम्ही सरकारला क्रिप्टोकरन्सीविषयी असलेल्या आमच्या चिंतांविषयी जागरूक केले आहे, याचा विचार केला जात आहे. यावर सरकार निर्णय घेईल.
सीबीएससी बोर्डाची दहावीची परीक्षा रद्द तर बारावीची स्थगित !
नवी दिल्ली, (प्रबोधन न्यूज) - देशभरात वाढत्या कोरोना संसर्गाच्या प्रकोपामुळे केंद्र सरकारने महत्त्वपूर्ण निर्णय घेतला आहे. पंतप्रधान नरेंद्र मोदी आणि केंद्रीय शिक्षणमंत्री डॉ.रमेश पोखरीयल निशंक यांच्यात झालेल्या उच्चस्तरीय बैठकीत सीबीएससी बोर्डाची दहावीची परीक्षा रद्द करून बारावीची परीक्षा पुढे ढकलण्याचा निर्णय घेण्यात आला आहे. या उच्चस्तरीय बैठकीत केंद्रीय शिक्षण सचिवही उपस्थित होते. उच्चस्तरीय बैठकीत सीबीएसई बोर्डाच्या परीक्षा तहकूब करण्याचा निर्णय घेण्यात आला आहे. या निर्णयानुसार दहावीच्या बोर्ड परीक्षा रद्द करण्यात आल्या असून, बारावीच्या बोर्ड परीक्षा तहकूब करण्यात आल्या आहेत. १२ जूनच्या परीक्षेचे नवीन वेळापत्रक 1 जूनला कोरोना संसर्गाच्या स्थितीचा आढावा घेतल्यानंतर मंडळामार्फत तयार केले जाऊ शकते. सीबीएसई बोर्डाची परीक्षा रद्द करण्याची सर्व स्तरातून मागणी वाढली होती. दिल्लीचे मुख्यमंत्री अरविंद केजरीवाल, पंजाबचे मुख्यमंत्री कॅप्टन अमरिंदर सिंग, कॉंग्रेस नेते प्रियांका गांधी आणि राहुल गांधी यांच्यासह अनेक राजकीय, सामाजिक आणि चित्रपटातील व्यक्तींनी देशभरात वाढत असणाऱ्या कोरोना संसर्गाची स्थिती पाहता बोर्ड परीक्षा स्थगित करण्याची मागणी केली. या निर्णयाविषयी माहिती देताना केंद्रीय शिक्षणमंत्री निशंक यांनी ट्वीट केले की पंतप्रधान नरेंद्र मोदी यांच्या अध्यक्षतेखाली बुधवारी, 14 एप्रिल 2021 रोजी मे महिन्यात प्रस्तावित बोर्ड परीक्षांचा आढावा घेण्यासाठी कोरोनाची परिस्थिती पाहता एक उच्चस्तरीय बैठक झाली. शिक्षणमंत्र्यांनी बैठकीत सांगितले की, पंतप्रधानांनी विद्यार्थ्यांचे कल्याण ही सरकारची सर्वोच्च प्राथमिकता असावी असा पुनरुच्चार केला. ते म्हणाले की, केंद्र सरकार विद्यार्थ्यांचे हित लक्षात घेईल आणि त्यांच्या आरोग्याची काळजी घेतली जाईल तसेच त्यांच्या शैक्षणिक हितांनाही इजा पोहोचू नये याची काळजी घेईल. साथीचे रोग आणि शाळा बंद होण्याची सद्य स्थिती पाहता आणि विद्यार्थ्यांची सुरक्षा आणि कल्याण लक्षात घेऊन पुढीलप्रमाणे निर्णय घेतले जातात. -4 मे ते 14 जून 2021 या कालावधीत घेण्यात येणाऱ्या बारावी बोर्ड परीक्षा तहकूब करण्यात आल्या आहेत. या परीक्षा नंतर घेतल्या जातील. -1 जून 2021 रोजी मंडळाकडून या स्थानाचे पुनरावलोकन केले जाईल आणि तपशील सामायिक केला जाईल. परीक्षा सुरु होण्यापूर्वी 15 दिवस अगोदर माहिती देण्यात येईल. - त्याचबरोबर दहावीच्या परीक्षा रद्द करण्यात आल्या आहेत. दहावी बोर्डाच्या परीक्षेचा निकाल सीबीएसईने तयार केलेल्या मूल्यांकन पद्धतीद्वारे केला जाईल. - जर मूल्यमापनानुसार मिळालेल्या गुणांबद्दल विद्यार्थी समाधानी नसेल तर त्याला परीक्षेस बसण्याची संधी दिली जाईल. जेव्हा परिस्थिती अनुकूल असेल तेव्हा परीक्षा आयोजित केली जाईल.
लोकाग्रहास्तव पुन्हा एकदा 'रामायण' होणार सुरू
मुंबई, (प्रबोधन न्यूज) - देशात पुन्हा एकदा कोरोना महामारीची लाट आली आहे. आपल्या महाराष्ट्रात तर आजपासून (दि. १४) लॉकडाऊन सुरु होणार असून देशातील इतर राज्यातही लॉकडाऊन होण्याची शक्यता वाढत असल्याचे चित्र आहे. या काळात घरी बसणाऱ्या लोकांना करमावे आणि त्यांचा वेळ सकारात्मकतेने जावा या उद्देशाने पुन्हा एकदा लोकप्रिय हिंदी मालिका 'रामायण' सुरू केले जात आहे. 'रामायण' हा भारतीय टेलिव्हिजनचा सर्वात लोकप्रिय शो आहे. गेल्या वर्षी लॉकडाऊनच्या वेळी जेव्हा रामानंद सागर यांचे 'रामायण' सुरू झाले तेव्हा या शो ने छोट्या स्क्रीनवरील सर्व टीआरपी रेकॉर्ड तोडले. प्रेक्षकांच्या मागणीवरुन आता पुन्हा एकदा रामायण सुरू होणार आहे. सायंकाळी साडेसात वाजता हे स्टार इंडिया या वाहिनीवर प्रसारित केले जाईल. 'रामायण' प्रभू श्रीरामांच्या जीवनातील कित्येक महत्त्वपूर्ण घटनांचे वर्णन करते, जे अजूनही सर्व परिस्थिती, वयोगट आणि गटांना जोडते. त्याच बरोबर पुरुषोत्तम रामच्या व्यक्तिरेखेतून बरेच काही शिकायला मिळते. रामायणात अशा बर्‍याच घटना घडतात ज्या अजूनही लोकांना अडचणींमधून बाहेर येण्यास मदत करतात. 1987 मध्ये टीव्हीवर प्रथम रामानंद सागर यांनी 'रामायण' प्रसारित केला होता, त्यावेळीदेखील टीआरपीच्या सर्व नोंदी तोडल्या. असं म्हणतात की जेव्हा हा कार्यक्रम रविवारी यायचा तेव्हा रस्ते ओसाड व्हायचे कारण प्रत्येकजण आपल्या टीव्हीवर 'रामायण' आवर्जून पाहायचा. 'रामायण' मालिकेत प्रभू श्रीराम यांची भूमिका अरुण गोविल यांनी साकारली आहे. लक्ष्मणची भूमिका सुनील लाहिरी आणि सीतेची भूमिका दीपिका चिखलिया यांनी केली होती. भगवान राम यांच्या कथेत, समस्यांपासून मुक्त होण्यासाठी बरेच उपाय सुचविले गेले आहेत, जे लोकांसाठी प्रेरणादायक आहेत.
महाराष्ट्रात बुधवारपासून पुन्हा लॉकडाऊन
महाराष्ट्रात गेल्या दीड महिन्याभरात सातत्याने वाढत असलेल्या रुग्णसंख्येच्या पार्श्वभूमीवर मुख्यमंत्री उद्धव ठाकरे यांनी पंधरा दिवसांचा लॉकडाऊन घोषित केला आहे.
तुम्हीही ऑनलाईन फ्रॉडचे शिकार ठरलाय? घाबरू नका, सायबर सेलने आणली आहे 'ही' हेल्पलाईन सेवा !
नवी दिल्ली, (प्रबोधन न्यूज) - सध्या ऑनलाईन फसवणुकीचे प्रकार दिवसेंदिवस वाढताना दिसत आहेत. या फसवणुकीला बळी पडणाऱ्यांची पैसे तर जातातच, शिवाय मनस्तापही होतो. शिवाय अशा घटनेनंतर कुठे तक्रार करावी, अथवा दाद मागावी, याबद्दलही माहिती नसल्याने गप्प राहण्याशिवाय पर्याय नसतो. पण थांबा,आता सायबर सेल तुमच्या मदती ला धावून आला आहे. ऑनलाईन बँकिंग सेवा जसजसे वाढू लागले आहेत, तसतशी भारतात फसवणूकही वेगाने होत आहे. दर दिवशी कुणी ना कुणी व्यक्ती ऑनलाईन फसवणूकीचा बळी ठरते. परंतु माहितीच्या अभावामुळे लोक आपल्याबरोबर वेळोवेळी झालेल्या फसवणूकीबद्दल तक्रार करू शकत नाहीत. ऑनलाइन फसवणूक रोखण्यासाठी आणि लोकांचे पैसे वाचवण्यासाठी गृह मंत्रालय आणि दिल्ली पोलिसांच्या सायबर सेलने हातमिळवणी केली. गृह मंत्रालय आणि दिल्ली पोलिसांच्या सायबर सेलने एक हेल्पलाइन नंबर सुरू केला आहे ज्यावर आपण त्वरित तक्रार करू शकता. चला तर जाणून घेऊया. गृह मंत्रालय आणि दिल्ली पोलिसांच्या सायबर सेलने 155260 वर एक हेल्पलाईन सुरू केली आहे. आपण कोणत्याही प्रकारच्या ऑनलाइन फसवणूकीचा बळी पडल्यास, या नंबरवर त्वरित कॉल करा. आपल्या खात्यातून 7 ते 8 मिनिटांत ज्या आयडी वरून आपली रक्कम उडवली गेली असेल, हेल्पलाइन त्या संबंधित आयडीच्या बँकेला किंवा ई-साइटला चेतावणी संदेश पाठवेल. त्यानंतर ही रक्कम होल्ड केली जाईल. ऑनलाईन फसवणूकीच्या घटना रोखण्यासाठी गृह मंत्रालयाच्या सायबर पोर्टल, https://cybercrime.gov.in/ आणि दिल्ली पोलिसांच्या सायबर सेलचा 155260 पायलट प्रकल्प गेल्या वर्षी नोव्हेंबरमध्ये सुरू झाला होता परंतु आता तो पूर्णपणे सुरू करण्यात आला आहे. भारतीय सायबर क्राइम को-ऑर्डिनेशन एक व्यासपीठ आहे ज्याचा पहिला वापरकर्ता दिल्ली आहे. त्यात राजस्थानचीही भर पडली आहे. यानंतर, इतर सर्व राज्यात ही सुविधा सुरू केली जाणार आहे. सुमारे 55 बँक, ई-वॉलेट्स, ई-कॉमर्स साइट्स, पेमेंट गेटवे आणि इतर संस्थांमध्ये 'सिटीझन फायनान्शियल सायबर फ्रॉड रिपोर्टिंग सिस्टम' नावाचे इंटरकनेक्ट प्लॅटफॉर्म आहे. या व्यासपीठाद्वारे ऑनलाइन आर्थिक फसवणूकीचा बळी ठरणाऱ्यांचा बचाव फारच कमी काळात होऊ शकतो. या हेल्पलाईनच्या माध्यमातून आतापर्यंत 21 लोकांसाठी 3 लाख 13 हजार रुपयांची बचत करण्यात आली आहे. या हेल्पलाईन क्रमांकाच्या दहा लाईन आहेत, जेणेकरून हा नंबर कधीही व्यस्त राहू नये. आपण 155260 या हेल्पलाईन क्रमांकावर कॉल केल्यास आपणास नाव, क्रमांक आणि वेळ विचारली जाईल. मूलभूत माहिती घेतल्यास ती संबंधित बँकेच्या ई-कॉमर्सच्या संबंधित पोर्टल व डॅश बोर्डकडे पाठविली जाईल. तसेच पीडिताच्या बँकेलाही ही माहिती सामायिक केली जाईल. फसवणूकीनंतरचे 2 ते 3 तास फार महत्वाचे असतात. म्हणून शक्य तितक्या लवकर तक्रार करणे गरजेचे आहे. आपण https://cybercrime.gov.in/ वर देखील तक्रार करू शकता.
गॅसपाईपलाईनचे टेंडर राजकीय हस्तक्षेपामुळे अडचणीत
पिंपरी-चिंचवड महापालिकेने नविन भोसरी रुग्णालय, जिजामाता, आकुर्डी आणि थेरगाव रुग्णालयासाठी द्रव ऑक्सीजनसह मेडिकल गॅस पाईपलाईन बसविणेच्या कामाची ४ जानेवारी रोजी २६ कोटी ६१ लाख रुपयांची निविदा प्रसिद्ध केली होती. राज्य शासनाच्या महा ई टेंडर या पोर्टलवर प्रसिद्ध करण्यात आलेल्या निविदेचा कालावधी सोमवारी (दि.२५) संपुष्टात आला आहे. यासाठी देशपातळीवर स्पर्धा होऊन सहाजणांनी निविदा सादर केली आहे. मात्र या कालावधीत सत्ताधारी भाजपाच्या काही नगरसेवकांच्या बगलबच्यांना निविदा सादर करणे शक्य झाले नाही. यामुळे आता या निविदेला मुदतवाढ देण्यात यावी अशी मागणी काहीजण करत आहेत.
