शान्ता शेळके यांच्या अविट गाण्यांमधून साहित्यास उजाळा. स्मृतीदिनानिमित्त मसाप चा उपक्रम

पिंपरी , (प्रबोधन न्यूज ) - काटा रुते कुणाला, वादळ वारं सुटलं ग, रेशमाच्या रेघांनी या सारखी बहारदार गाणी ज्यांच्या लेखणीतून उतरली त्या शब्दशारदा शान्ताबाईं यांना त्यांच्याच गाण्यामधून व कवितामधून आदरांजली वाहण्यात आली. निमित्त होते कवयित्री शान्ता शेळके यांचा स्मृती दिन.

सावरकर सदन प्राधिकरण निगडी येथे महाराष्ट्र साहित्य परिषद पिंपरी चिंचवड आयोजित, श्री स्वर पुणे प्रस्तुत " अभिनव वाग्विलासानि .शान्ता ते शान्ताबाई या कार्यक्रमात रसिकांनी शान्ता शेळके यांच्या गाण्यावर ताल धरुन उदंड प्रतिसाद दिला. यावेळी महाराष्ट्र साहित्य परिषद पिंपरी चिंचवड चे अध्यक्ष राजन लाखे, डॉ. दिगंबर इंगौले, ज्येष्ठ गायक मधु जोशी, किसन महाराज चौधरी, विनीता ऐनापुरे, डॉ रजनी शेठ, वसंत गुजर, विजय मोहोरे आदि उपस्थित होते.

" जय शारदे वागेश्वरी" या शान्ताबाईच्या गाण्याने सुरवात झालेला हा कार्यक्रम उतरोत्तर रंगत गेला. गायक रेवती सुपेकर, रिचा राजन, केतकी देशपांडे, हेमंत वाळुंजकर यांनी शान्ता शेळके एकाहून एक सरस गाणी सादर करुन रसिकांना खिळवून ठेवले. डॉ. नरेंद्र चिपळूणकर, अमित कुंटे, राजेंद्र साळुंखे, अमन सय्यद यांनी साथसंगत केली. मध्यन्तरानंतर १०० मान्यवर, १०० आठवणी, १०० कवितांनी संपन्न असलेला राजन लाखे यांचा " बकुळगंध "या शान्ता शेळके जन्मशताब्दी ग्रंथावर निवेदिका ऋचा थत्ते यांनी लाखे यांना प्रश्न विचारुन बकुळगंध या ग्रंथांमागे असलेली भूमिका व ग्रंथाची निर्मिती प्रक्रिया रसिकांपर्यंत पोहचवली तसेच त्यांच्या आठवणींना ऊजाळा दिला. रसिकांनी त्याला भरभरुन दाद दिली.

श्रीकांत जोशी, किरण लाखे, किशोर पाटील जयश्री श्रीखंडे, माधुरी मंगरूळकर प्राची कुळकर्णी यांनी संयोजन केले. संजय जगताप यांनी आभार मानले.