मुंबई -
साधारणपणे भाताचा वापर अन्न म्हणून होतो. मात्र त्याचे पाणीदेखील शरीराला अनेक प्रकारचे फायदे देते. तांदळाचे पाणी कार्बोहायड्रेट्सचा उत्कृष्ट स्त्रोत आहे. भाताचे रोज सेवन केल्याने शरीराला अनेक फायदे मिळतात. त्याचबरोबर पोटाशी संबंधित अनेक आजारही भाताच्या सेवनाने दूर राहतात. तांदळासोबतच याच्या पाण्याचेही अनेक आरोग्यदायी फायदे आहेत. केसांपासून त्वचेपर्यंत तांदळाचे पाणी अत्यंत लाभकारी ठरते. तांदळासोबतच यातील पाण्यातही अनेक घटक असतात. चला तर, तांदळाच्या पाण्याचे फायदे माहित करून घेऊया.
० केस मजबूत होऊन वाढतील
केसांच्या आरोग्यासाठी तांदळाचे पाणी खूप चांगले मानले जाते. तांदळाच्या पाण्यात भरपूर प्रमाणात अँटीऑक्सिडंट असतात. अँटिऑक्सिडंट्स केसांच्या वाढीसाठी खूप मदत करतात. तांदळाच्या पाण्यात अँटिऑक्सिडंट्स सोबत इनोसिटॉल नावाचा घटकही आढळतो. तांदळाच्या पाण्याच्या फायद्यांबद्दल सांगायचे तर ते अँटी-ऑक्सिडंट्स, मॅग्नेशियम, झिंक, व्हिटॅमिन बी, व्हिटॅमिन सी अशा अनेक घटकांनी समृद्ध आहे. साधारण आठवडाभरात तुम्ही तुमचे केस तांदळाच्या पाण्याने चांगले धुवू शकता. यामुळे केस निरोगी आणि मजबूत होतील.
० त्वचा तरुण व टवटवीत राहते
तांदळाच्या पाण्यामुळे वृद्धत्वाची समस्या दूर होण्यास मदत होते. तांदळाच्या पाण्यात अमिनो ऍसिड, अँटी-ऑक्सिडंट्स मुबलक प्रमाणात आढळतात, जे त्वचेसाठी खूप चांगले असतात. दुसरीकडे त्वचेच्या समस्यांवर 'अँटी एजिंग' म्हणून देखील वापरू शकता. जर तुम्ही रिकाम्या पोटी तांदळाचे पाणी प्यायले तर ते अँटी एजिंगची समस्या दूर करते, त्याचवेळी पिंपल्सची समस्याही दूर होते. त्यामुळे सकाळी उठल्यावर अँटी-एजिंग म्हणून तांदळाचे पाणी वापरू शकता.
० पचनशक्ती सुधारते
तुम्हालाही तुमची पचनशक्ती सुधारायची असेल, तर तुम्ही तुमच्या आहारात तांदळाच्या पाण्याचा समावेश करू शकता. तांदळाच्या पाण्याने तुमची पचनक्रिया चांगली होते. त्याचबरोबर बद्धकोष्ठता यासारख्या अनेक समस्या दूर होतात. जर तुम्ही पचनक्रिया मजबूत ठेवण्याचा विचार करत असाल तर तुमच्या आहारात तांदळाच्या पाण्याचा अवश्य समावेश करा. तुम्ही सकाळी न्याहारी करतानाही याचे सेवन करू शकता. त्याचबरोबर याच्या सेवनाने शरीरातील अनेक आजार दूर होतात. यामुळे तुम्ही निरोगी व्हाल.
० थकवा करेल दूर
अनेकांना काम करताना थकवा जाणवतो. अशा स्थितीत या व्यक्तीला नीट काम करता येत नाही आणि थकवा जाणवतो. जर तुम्हाला थकव्याच्या समस्येवर मात करायची असेल तर तांदळाचे पाणी तुमच्यासाठी फायदेशीर ठरू शकते. तांदळाचे पाणी आरोग्यासाठी अनेक फायदे देते, तसेच ते ऊर्जा वाढवण्याचे काम करते. जर तुम्हालाही कमी वाटत असेल तर तुमच्या आहारात तांदळाच्या पाण्याचा अवश्य समावेश करा. यामुळे आरोग्याला अनेक फायदे होतील.
प्रबोधन वृत्तसेवा 
