डिसेंबरमध्ये 'हे' धडाकेबाज चित्रपट आणि वेब सिरीज येणार !

मुंबई -

नोव्हेंबरचा शेवटचा आठवडा आणि डिसेंबरचा महिना चित्रपट आणि वेब सीरिजच्या चाहत्यांसाठी खूप खास असणार आहे. कारण या महिन्यात 'मनी हाईस्ट' च्या 5 व्या सीझनचा दुसरा भाग प्रदर्शित होत आहे. या वर्षाच्या अखेरीस, नेटफ्लिक्स, ऍमेझॉन प्राइम, डिस्ने प्लस हॉटस्टार, वूट सिलेक्ट आणि झी 5 यासह अनेक चित्रपट आणि वेब सीरिज OTT वर प्रदर्शित होणार आहेत, ज्याची प्रेक्षक आतुरतेने वाट पाहत आहेत. चला, आम्ही तुम्हाला OTT वर रिलीज होणाऱ्या चित्रपट आणि मालिकांची यादी दाखवतो.

१. दिल बेकरार
२६ नोव्हेंबर - डिस्ने प्लस हॉटस्टार
हबीब फैसल दिग्दर्शित 'दिल बेकरार' मध्ये राज बब्बर, पद्मिनी कोल्हापुरे, पूनम ढिल्लन, अक्षय ओबेरॉय आणि सहार बंबा यांच्या प्रमुख भूमिका आहेत. अनुजा चौहानच्या 'दोज प्राईसी ठाकूर गर्ल्स' या कादंबरीवर ही वेब सीरिज आहे.

२. छोरी
'छोरी' हा हॉरर चित्रपट प्राइमवर रिलीज होणार आहे ज्यामध्ये नुसरत भरुचा मुख्य भूमिकेत आहे. विशाल फुरिया दिग्दर्शित हा चित्रपट 'लपाछपी' या मराठी चित्रपटाचा रिमेक आहे.

३. मनी हाईस्ट

डिसेंबर ३ - नेटफ्लिक्स
ऍलेक्स पिना निर्मित, मनी हाईस्ट त्याच्या शेवटच्या सीझनसह परत आला आहे. हे 3 डिसेंबर रोजी Netflix वर रिलीज होईल आणि त्यात उर्सुला कोरबेरो, अल्वारो मोर्टे, इत्ज़ियर इटुनो, पेड्रो अलोंसो, मिगुएल हेरान, जैमे लोरेंटे, एस्तेर एसेबो यांच्या भूमिका आहेत. या सीझनमध्ये प्राध्यापकालाही जीवाला धोका आहे, अशा स्थितीत हा दरोडा कसा यशस्वी होतो, याची प्रत्येक चाहत्यांना प्रतीक्षा आहे.

४. बॉब बिस्वास
डिसेंबर ३ - झी 5
'बॉब बिस्वास' 3 डिसेंबर रोजी ZEE5 वर प्रीमियर होईल. बॉब बिस्वास हे सुजॉय घोषच्या 2012 मध्ये आलेल्या 'कहानी' चित्रपटातील एका पात्राचे नाव होते. या चित्रपटात अभिनेता शाश्वत चॅटर्जी बॉबच्या भूमिकेत दिसला होता. एक LIC एजंट होता, तो भाड्याने खून करायचा. त्या चित्रपटात बॉब सहाय्यक पात्र म्हणून दिसला असला तरी आता दिया अन्नपूर्णा घोष त्याच्यासोबत चित्रपट बनवत आहे. या चित्रपटात अभिषेक बच्चन मुख्य भूमिकेत आहे.

५. इनसाइड एज सीझन 3
डिसेंबर ३ -ऍमेझॉन प्राईम व्हिडीओ
प्राइम सदस्य 3 डिसेंबर 2021 रोजी इनसाइड एज सीझन 3 चे सर्व 10 भाग जगभरातील 240 हून अधिक देश आणि प्रदेशांमध्ये प्रवाहित करू शकतात. क्रिकेटचे राजकारण, ग्लॅमर, पैसा यावर यापेक्षा चांगला शो क्वचितच असेल.

६. आरण्यक
10 डिसेंबर- नेटफ्लिक्स
बॉलीवूड अभिनेत्री रवीना टंडनची पहिली वेब सीरिज 'आरण्यक' 10 डिसेंबरला नेटफ्लिक्सवर रिलीज होणार आहे. 'आरण्यक'ची कथा एक भयानक जंगल आणि एक रहस्यमय शहर यांच्यामध्ये फिरते. विनय वैकुल यांनी दिग्दर्शन केले आहे.

७. मिनल मुरली
24 डिसेंबर - नेटफ्लिक्स
टोविनो थॉमस अभिनीत मल्याळम सुपरहिरो चित्रपट मिननल मुरली २४ डिसेंबर रोजी नेटफ्लिक्सवर प्रदर्शित होत आहे. हा चित्रपट एका छोट्या शहरातील एका शिंपीबद्दल आहे, जो सकाळी विजेच्या कडकडाटानंतर सुपरपॉवरसह उठतो.

८. फायनल
झी 5
असे वृत्त आहे की आयुष शर्माचा चित्रपट 'अंतिम द फायनल ट्रुथ' देखील Zee5 वर प्रीमियर होईल तर चित्रपट सिंगल स्क्रीन थिएटरमध्ये प्रदर्शित होईल. मात्र ही बातमी कितपत खरी आहे याबाबत कोणतीही अधिकृत घोषणा करण्यात आलेली नाही.

९. आर्य २
डिस्ने हॉट स्टार प्लस
'आर्या 2' लवकरच डिस्ने हॉट स्टार प्लसवर प्रसारित होणार आहे. चंद्रचुड सिंह, सिकंदर खेर, नमित दास, सुगंधा गर्ग आणि विश्वजित प्रधान यांच्याशिवाय 'आर्या'मध्ये अनेक स्टार्स दिसले होते. सुष्मिता सेन 'आर्या' या वेबसिरीजमध्ये आर्याची मुख्य भूमिका साकारत आहे. पहिल्या भागात सुष्मिताचा अभिनय खूप आवडला होता. चाहते दुसऱ्या भागाची आतुरतेने वाट पाहत आहेत.