बसच्या धडकेत दुचाकीस्वार तरुणीचा मृत्यू

पिंपरी , (प्रबोधन न्यूज ) - बसने पाठीमागून दिलेल्या धडकेत 28 वर्षीय दुचाकीस्वार तरुणीचा मृत्यू झाला आहे. हा अपघात शनिवारी(दि.24) नाशिक पुणे महामार्गावर दुपारी मुटकेवाडी सिग्नलला झाला.

याप्रकरणी मळ्यात मुलीचे वडील दत्तात्रय सखाराम थोरात (वय 61 राहणार मंचर ) यांनी चाकण पोलीस ठाण्यात फिर्याद दिली असून बस वरील अज्ञात चालकावर गुन्हा दाखल करण्यात आला आहे.

पोलिसांनी दिलेल्या माहितीनुसार, फिर्यादी यांची 28 वर्षाची मुलगी तिच्या मोपेड गाडीवरून चाकण मार्गे मोशी कडे जात असताना मुटकेवाडी सिग्नल येथे पांढऱ्या रंगाच्या बसने तिला पाठीमागून जोरात धडक दिली. यावेळी अपघातानंतर तेथे न थांबता बस चालक निघून गेला मुलगी गंभीर जखमी झाली. तिला उपचारासाठी दवाखान्यात नेले असता तिला मृत घोषित करण्यात आले. चाकण पोलीस ठाण्यात बस चालकाविरुद्ध गुन्हा दाखल केला असून पोलीस चालकाचा शोध घेत आहेत.