समुद्रकिनाऱ्यांवर सापडले डोके कापलेल्या पेंग्विनांचे मृतदेह !
प्रबोधन वृत्तसेवा 
नवी दिल्ली - ऑस्ट्रेलियातून एक धक्कादायक प्रकरण समोर आले आहे. येथील समुद्रकिनारे पाहून शास्त्रज्ञही आश्चर्यचकित झाले आहेत. ऑस्ट्रेलियातील समुद्रकिनाऱ्यांवर डझनहून अधिक पेंग्विनचे डोके कापलेले आढळले आहेत. शास्त्रज्ञांनी तपास सुरू केला आहे, पेंग्विनचे डोके गायब होण्याचे कारण काय?
एकट्या एप्रिल महिन्यातच दक्षिण ऑस्ट्रेलियातील फ्लेरियु द्वीपकल्पाच्या किनार्‍यावर 20 पेंग्विनचे मृतदेह सापडले आहेत, जे अतिशय अस्वस्थ करणारे आहे. 2021 मध्ये या भागात मरण पावलेल्या पेंग्विनपेक्षा हा आकडा खूप जास्त आहे. त्यांचा अभ्यास करण्यासाठी स्टीफन हेजेस मृत पेंग्विनचे शव गोळा करत आहेत. त्यांना जाणून घ्यायचे आहे की त्यांचे डोके कसे गायब झाले आणि त्यामागील कारण काय आहे? पेंग्विनच्या मृत्यूमध्ये मानवी सहभागाची शक्यता नाकारण्यात आली आहे. कारण ते समुद्रातच मरत आहेत.
पेंग्विनच्या मृतदेहांशिवाय त्यांची छिन्नविछिन्न मुंडकी ही ऑस्ट्रेलियाच्या समुद्रकिनाऱ्यांवर आढळून आली आहेत. स्टीफन हेजेस म्हणतात की, ज्या भागात शिरच्छेद केलेले पेंग्विन सापडले त्या भागात मोठ्या प्रमाणात जहाजे आहेत. पेंग्विनचा मृत्यू बोटीच्या पंखात अडकल्याने झाला असावा, अशी शक्यता त्यांनी व्यक्त केली आहे.
समुद्रकिनारी महिनाभरात पेंग्विनचे एक-दोन मृतदेह सापडतात, असे त्यांचे म्हणणे आहे, मात्र एप्रिल महिन्यातच 15 ते 20 मृतदेह सापडल्याने आश्चर्य व्यक्त होत आहे.
शास्त्रज्ञांनी सांगितले की, पेंग्विनचे डोके एकाच वेळी कापले गेले. स्टीफन हेजेस यांनी सांगितले की, काही दिवसांपूर्वी एन्काउंटर बेजवळ एक स्पर्धा आयोजित करण्यात आली होती.
समुद्रकिनाऱ्यावर आयोजित करण्यात आलेली ही स्पर्धा मासेमारीची होती आणि बोटींनी पेंग्विनला आकर्षित केले असावे. याशिवाय पेंग्विनच्या हत्येमागे पर्यटनही कारणीभूत असण्याची शक्यता त्यांनी व्यक्त केली आहे. ईस्टर आणि वीकेंडला येथे मोठ्या प्रमाणात पर्यटक दाखल झाले होते.
अनेक पर्यटकांनी सोबत कुत्रे आणल्याचे त्यांनी सांगितले. याशिवाय कोल्ह्यांमुळे पेंग्विन मरण्याचीही शक्यता असते. याचे नेमके कारण शोधण्यासाठी दोन ते तीन आठवडे लागतील असे शास्त्रज्ञांनी म्हटले आहे.
