रुपाली पाटील यांचा गोपीचंद पडळकरांवर पलटवार

पुणे, दि. १२ मार्च – शरद पवार हे ज्येष्ठ आहेत पण श्रेष्ठ नाही, फडणवीस हे १०-२० शरद पवार खिशात घालून फिरतात, अशी वादग्रस्त टीका केली आहे. त्यांच्या या वक्तव्यांवर राष्ट्रवादी काँग्रेसच्या कार्यकर्त्यांनी संताप व्यक्त केला आहे. मविआ वर टीका करताना पडळकर यांची जीभ नेहमीच घसरते. राष्ट्रवादीच्या नेत्या रुपाली पाटील-ठोंबरे यांनीही पडळकरांवर चांगले संस्कार नाही अशी टीका केली आहे.

रुपाली पाटील म्हणतात की, गोपीचंद पडळकरांसारखे वाचाळवीर भाजपने तयार केले आहेत. वैयक्तिक टीका करणे, आत्महत्या केलेल्या महिलांना बदनाम करणे, सरकारला वेठीस धरणे या सारख्या गोष्टी भाजपकडून सतत सुरू आहे. रुपाली पाटील यांनी गोपीचंद पडळकर यांना सुबुद्धी देवो, यासाठी बिरोबाकडे साकडं घातलं आहे. दर तीन महिन्यांनी पडळकर असे विधान करीत असतात. त्यांच्यामध्ये शिक्षणाचा अभाव असेल पण त्यांनी असं करू नये. या आमदाराकडे ना व्हिजन आहे, ना पात्रता आहे, तरुणांसाठी काही करण्याचं काम नाही,

भाजपचे नेते गोपीचंद पडळकर यांनी शरद पवार यांच्यामध्ये विश्वासघातकीपणा, गद्दारीपणा आणि राष्ट्राच्या विरोधातील भूमिका शरद पवार नेहमी घेत असतात असाही आरोप पडळकरांनी केला आहे.