एलिसा कार्सन ठरणार मंगळावर पाऊल ठेवणारी पहिली महिला !

नवी दिल्ली, (प्रबोधन न्यूज) - आता नासा मंगळावर जाण्यासाठी सर्व तयारी करत आहे. विशेष म्हणजे मंगळाच्या पृष्ठभागावरील पहिले पाऊल स्त्रीचे असेल. मीडिया रिपोर्टनुसार एलिसा कार्सन मंगळावर पाऊल ठेवणारी पहिली महिला बनू शकते. एलिसा कार्सन दीर्घ काळापासून मंगळावर या अभियानाची तयारी करत आहे.

नासाची योजना आहे की या दशकाच्या अखेरीस ते मंगळाच्या पृष्ठभागावर पहिल्या मानवाला उतरविणार. यापूर्वी नासाने आपल्या अधिकृत निवेदनात असे म्हटले होते की मंगळावर पाऊल ठेवणारी स्त्री ही पहिली असेल. सर्व अनुमान आणि मीडिया रिपोर्टनुसार, ही महिला एलिसा कार्सन होऊ शकते, जी या नासा मोहिमेअंतर्गत मंगळावर उतरणार आहे. एलिसा कार्सन त्या टीमचा एक भाग आहे, जी टीम येत्या काळात नासाच्या सर्व मोठ्या अवकाश मोहिमांची अंमलबजावणी करणार आहे.

एका मुलाखतीत एलिसा कार्सनने सांगितले की ती ३ वर्षाची असल्यापासून मंगळावर जाण्याचे स्वप्न पाहत आहे. ती म्हणाली की, 'जेव्हा मी 12 वर्षांची होते, तेव्हा मला एक टीव्ही शो (बॅकयार्डिगन्स) आवडला. या शोमध्ये मंगळावर जाणारे बरेच अंतराळवीर दाखवले गेले.' एलिसा सध्या 20 वर्षांची आहे.

मीडिया रिपोर्टनुसार ती सध्या फ्लोरिडा इन्स्टिट्यूट ऑफ टेक्नॉलॉजीमध्ये अ‍ॅस्ट्रोबायोलॉजीचा अभ्यास करीत आहे. तिचे म्हणणे आहे की ती मंगळ मोहिमेसाठी स्वतःला तयार करीत आहेत. एलिसाची इच्छा आहे की येत्या काळात महिला अंतराळवीर ठरतील आणि नासाच्या अनेक मोठ्या अवकाश अभियानांचा भाग होतील.

नासा मंगळाच्या पृष्ठभागावर पहिल्यांदा एका महिलेला उतरविणार असल्याचे यावरून स्पष्ट होते. या व्यतिरिक्त, 'आर्टेमिस मिशन' अंतर्गत 2024 पर्यंत चंद्राच्या पृष्ठभागावर देखील नासा प्रथम महिलेलाच उतरविणारा असल्याचे बोलले जात आहे. यापूर्वी नासाने अपोलो मिशनला मंगळावर पाठविले होते, ज्यात सर्व अंतराळवीर पुरुष होते. आता नासाचे 'आर्टेमिस मिशन' अंतर्गत चंद्राच्या पृष्ठभागावर प्रथम महिलेलाच उतरविण्याचे उद्दीष्ट आहे. आपल्या माहितीसाठी, अपोलो हे ग्रीक देवताचे नाव आहे तर आर्टेमिस हे एक ग्रीक देवीचे नाव आहे.