मधुमेहाच्या रुग्णांनी 'या' गोष्टी पाळा ! साखरेची पातळी वाढणार नाही

नवी दिल्ली -

मधुमेह हा एक आजार आहे ज्याची प्रकरणे गेल्या दशकात झपाट्याने वाढली आहेत. मधुमेहामुळे शरीरातील इतर अनेक आरोग्य समस्यांचा धोकाही वाढतो, म्हणूनच आरोग्य तज्ज्ञ याला अतिशय गंभीर आजार म्हणून वर्गीकृत करतात. कोरोनाच्या या युगात मधुमेहाकडेही एक प्रमुख जोखीम घटक म्हणून पाहिले जात आहे. डॉक्टरांच्या म्हणण्यानुसार, सर्व लोकांनी या आजाराबाबत जागरूक राहून यापासून बचाव करण्यासाठी आवश्यक उपाययोजना करत राहायला हवे.

अभ्यास दर्शविते की जीवनशैलीतील बदल टाइप 2 मधुमेहाची सुरुवात आणि धोका टाळण्यास मदत करू शकतात. जास्त वजन किंवा लठ्ठपणा, उच्च कोलेस्ट्रॉल किंवा मधुमेहाचा कौटुंबिक इतिहास यामुळे मधुमेहाचा धोका वाढतो. तुमच्या दैनंदिन जीवनात काही बदल केले तर त्याचे धोके कमी होऊ शकतात, चला, याविषयी सविस्तर जाणून घेऊया.

० वजन कमी करणे
वजन कमी केल्याने मधुमेहाचा धोका कमी होतो. एका अभ्यासात, व्यायाम आणि आहारातील बदलांमुळे लोकांनी त्यांच्या शरीराचे वजन सुमारे 7 टक्क्यांनी कमी करूशकतात. शरीराचे वजन कमी केल्याने मधुमेहाचा धोका सुमारे 60 टक्क्यांनी कमी होऊ शकतो, असे या निष्कर्षात आढळून आले आहे. अमेरिकन डायबिटीज असोसिएशनच्या मते, प्रीडायबिटीज असलेल्या लोकांनी हा आजार वाढू नये म्हणून त्यांच्या शरीराचे वजन किमान 7 ते 10 टक्के कमी केले पाहिजे.

० शारीरिक हालचालींचे फायदे
मधुमेहाचा धोका कमी करण्यासाठी शारीरिक हालचाली तुमच्यासाठी फायदेशीर ठरू शकतात. व्यायामामुळे तुमचे वजन कमी होण्यास, रक्तातील साखरेवर नियंत्रण ठेवण्यास आणि तुम्ही सहज इन्सुलिनची संवेदनशीलता वाढवू शकता. मधुमेहाच्या अनेक गुंतागुंत कमी करण्यासाठी योग-व्यायामाचा सरावही खूप फायदेशीर मानला जातो.

० अधिक वनस्पती आधारित पदार्थ खा
वनस्पती-आधारित आहार आपल्याला जीवनसत्त्वे, खनिजे आणि कर्बोदके प्रदान करतात. याशिवाय यामध्ये आहारातील फायबर देखील आढळते जे शरीरासाठी खूप फायदेशीर आहे. फायबरयुक्त पदार्थ वजन कमी करण्यास मदत करतात आणि मधुमेहाचा धोका कमी करतात. विविध प्रकारचे आरोग्यदायी, फायबरयुक्त पदार्थ खाल्ल्याने मधुमेहाची गुंतागुंत सहज कमी होऊ शकते.