कसबा पोटनिवडणुकीत भाजप व काँग्रेसला बंडखोरीने ग्रासले

पुणे (प्रबोधन न्यूज) - कसबा पोटनिवडणुकीत कोणत्याही पक्षाने ब्राह्मण समाजाला उमेदवारी न दिल्याने हिंदू महासभेने ही निवडणूक लढवण्याचे ठरवले आहे. हिंदू महासंघाचे आनंद दवे यांनी अर्ज भरण्याची घोषणा केली आहे. उद्या (मगंळवार) उमेदवारी अर्ज दाखल करणार असल्याचे दवे यांनी सांगितले आहे. खुल्या प्रवर्गाचा आवाज विधानसभेत पोहचवण्यासोबतच पुणेश्वराला मुक्त करणे तसेच स्वच्छ, सुंदर कसबा हे आपले ध्येय असल्याचे दवे म्हणाले.

हिंदू समाजातील सर्व जातींना योग्य प्रतिनिधित्व मिळालं पाहिजे. पुणे जिल्ह्यात २१ आमदार असताना प्रत्येक समाजाचे प्रतिनिधित्व असताना ब्राह्मण समाजाचे प्रतिनिधित्व का डावलले गेले, असा प्रश्न आनंद दवे यांनी भाजपला केला आहे. ब्राह्मण समाजाची मागणी हिंदू महासभा पर्यंत आल्यानंतर मी स्वत: रिंगणात उतरण्याचा निर्णय घेतला आहे. भाजपला ही धोक्याची सुचना आहे. हिंदू महासंघाचा उमेदवार इथं निवडून येईल, अशी माझी खात्री असल्याचे दवे म्हणाले.

दुसरीकडे, कसबा मतदार संघातून काँग्रेसने उमेदवारी रवींद्र धंगेकर यांना दिली आहे. मात्र, काँग्रेसमध्ये अर्ज भरण्याबाबत बंडखोरी झाल्याचे पाहायला मिळाले. पुणे शहर काँग्रेसचे उपाध्यक्ष बाळासाहेब दाभेकर कसब्यातून उमेदवारी अर्ज भरणार असल्याची माहिती समोर आली आहे.

बाळासाहेब दाभेकर उद्या मंगळवार दि 7 फेब्रुवारी 2023 रोजी सकाळी 10 वाजता कसबा विधानसभा मतदारसंघाच्या पोटनिवडणुकीचा उमेदवारी अर्ज दाखल करणार आहेत.

तत्पूर्वी ते कार्यकर्त्यासाहित दुचाकी वाहनांच्या रॅलीत सहभागी होणार आहेत ही रॅली नारायण पेठेतील मोदी गणपती मंदिरापासून सुरू होणार आहे. तेथून पुढे केसरीवाडा गणपती, दगडूशेठ गणपती मंदिर मार्गे गणेश कला क्रीडा रंगमंचाच्या सभागृहाजवळ समाप्त होणार आहे. या रॅलीचे सांगतेनंतर श्री दाभेकर उमेदवारी अर्ज दाखल