'राधे श्याम'चा नवीन ट्रेलर रिलीज; प्रभासचा नवा ज्योतिष लूक आणि दमदार संवादांनी रसिक खुश !
प्रबोधन वृत्तसेवा 
ट्रेलरमध्ये पुढे, एका व्यक्तीचा हात पाहिल्यानंतर, तो त्याच्या आयुष्यातील, मृत्यूची वेळ आणि विचार सर्वकाही सांगतो. या ट्रेलरमध्ये प्रभास आणि पूजाच्या प्रेमदृश्यांचाही समावेश करण्यात आला आहे.ट्रेलरमध्ये अमिताभ बच्चन यांचा आवाजही ऐकू येतो. त्यामुळे चाहत्यांना हा ट्रेलर खूपच आवडला आहे.
प्रभास आणि पूजा हेगडे यांचा ‘राधे श्याम’ हा एक पीरियड ड्रामा चित्रपट आहे, ज्यामध्ये 1970 च्या दशकाची झलक पाहायला मिळणार आहे. या चित्रपटाचे बहुतांश भाग युरोपमध्ये शूट करण्यात आले आहेत, त्यामुळे या चित्रपटाचे बजेटही कमी नाही. या चित्रपटाच्या तयारीसाठी 300 कोटी रुपये खर्च करण्यात आल्याचे सांगण्यात येत आहे. हा ट्रेलर पाहिल्यानंतर चाहते चित्रपटाची वाट पाहत आहेत.
राधे श्यामचे दिग्दर्शन राधा कृष्ण कुमार यांनी केले आहे. या चित्रपटात प्रभास आणि पूजा हेगडेशिवाय सचिन खेडेकर, मुरली शर्मा, कुणाल रॉय कपूर, साशा छेत्री दिसणार आहेत. एवढेच नाही तर अभिनेत्री भाग्यश्रीही या चित्रपटाद्वारे बॉलिवूडमध्ये पुनरागमन करत आहे.
