कारच्या धडकेत दुचाकीस्वार जखमी

पिंपरी , (प्रबोधन न्यूज ) - दुचाकीला समोरून भरधाव वेगात जाणाऱ्या कारने धडक दिली. त्यात दुचाकीस्वार जखमी झाला. ही घटना सोमवारी (दि. 17) दुपारी चार वाजताच्या सुमारास चाकण-तळेगाव रोडवर इंदोरी गावात घडली.

अमोल नामदेव गायकवाड (वय 31, रा. इंदोरी, ता. मावळ. मूळ रा. अहमदनगर) असे जखमी दुचाकीस्वाराचे नाव आहे. त्यांनी याप्रकरणी तळेगाव एमआयडीसी पोलीस ठाण्यात फिर्याद दिली आहे. त्यानुसार एमएच 14/जीडी 3903 या कार चालकाच्या विरोधात गुन्हा दाखल करण्यात आला आहे.

पोलिसांनी दिलेल्या माहितीनुसार, फिर्यादी हे महाळुंगे येथून चाकण-तळेगाव रोडने दुचाकीवरून जात होते. इंदोरी येथे त्यांच्या समोरून भरधाव वेगात एक कार आली. त्या कारने फिर्यादी यांना जोरात धडक दिली. त्यात फिर्याद गंभीर जखमी झाले आहेत. तळेगाव एमआयडीसी पोलीस तपास करीत आहेत.