‘इंडिगो’ला तब्बल दीड हजार कोटींचा तोटा
प्रबोधन वृत्तसेवा 
मुंबई - हवाई क्षेत्रातील कंपनी इंडिगो सध्या तोटय़ामध्ये प्रवास करत असताना दिसते आहे. सप्टेंबरच्या तिमाहीत कंपनीच्या तोटय़ात 20 टक्क्यांनी वाढच झाली असल्याची माहिती आहे.
कंपनीने सप्टेंबरला संपलेल्या तिमाहीत 1 हजार 435 कोटी रुपयांचा तोटा सहन केला आहे. कच्च्या इंधन तेलाच्या वाढत्या किंमतीचा परिणाम कंपनीला सोसावा लागल्याचे समजते. यापूर्वी मागच्या वर्षात समान अवधीत कंपनीने 1 हजार 194 कोटींचा तोटा झेलला होता.
