चिंचवड पोट निवडणुकीत शिवसेनेचा नव्हे तर राष्ट्रवादीचाच उमेदवार

राष्ट्रवादी काँग्रेस तर्फे चिंचवड पोट निवडणुकीत नाना काटे यांना उमेदवारी जाहीर

चिंचवड ( प्रबोधन न्युज) - चिंचवड विधानसभा मतदारसंघांमध्ये आमदार लक्ष्मण जगताप यांच्या निधनानंतर पोटनिवडणूक होत आहे. या निवडणुकीत भारतीय जनता पक्षाने काही लक्ष्मण जगताप यांच्या पत्नी अश्विनी जगताप यांना उमेदवारी दिली आहे. त्यांच्या विरोधात राष्ट्रवादी काँग्रेस पक्षाने नाना काटे यांना उमेदवारी दिली आहे याची अधिकृत घोषणा जयंत पाटील यांनी ट्विटर वरून दिली आहे. आज उमेदवारी अर्ज भरण्याचा शेवटचा दिवस आहे.

या मतदारसंघावर शिवसेनेने आपला दावा ठोकला होता शिवसेनेचे नेते राहुल कलाटे हे निवडणूक लढवणार हे जवळपास निश्चित झाले होते परंतु राष्ट्रवादी काँग्रेसच्या स्थानिक नेत्यांनी त्यांना प्रचंड विरोध केल्यामुळे राष्ट्रवादी काँग्रेसला आपली भूमिका बदलून राष्ट्रवादी काँग्रेसच्या कार्यकर्त्यालाच उमेदवारी द्यावी लागली.

आता शिवसेनेचे राहुल कलाटे माघार घेतात की निवडणूक लढवतात हे पहावे लागेल. नाना काटे हे महाविकास आघाडीचे उमेदवार म्हणून जाहीर झाले तर भाजपच्या उमेदवार अश्विनी जगताप यांना ही निवडणूक सोपी जाणार नाही हे निश्चित.