एअर इंडियाची ज्येष्ठ नागरिकांसाठी खुषखबर. विमान भाड्यात ५०% सवलत देणार

नवी दिल्ली, दि. १५ मार्च - या नवीन वर्षात देशांतर्गत मार्गावर विमान प्रवास करण्याचा विचार करणाऱ्या ज्येष्ठ नागरिकांसाठी एक आनंदाची बातमी आहे. अहवालानुसार, भारताची राष्ट्रीय एअरलाइन्स, एअर इंडिया, मूळ भाड्यावर 50 टक्क्यांपर्यंत सवलत देत आहे, ज्याचा लाभ 60 वर्षांपेक्षा जास्त वयाच्या प्रवाशांना देशांतर्गत उड्डाणांमध्ये घेता येईल.

एअर इंडियाच्या अधिकृत वेबसाइटनुसार, राष्ट्रीय वाहकाने एक विशिष्ट निकष लावला आहे, ज्यामध्ये निकषांशी जुळणाऱ्यांनाच ऑफरचा लाभ घेण्याची परवानगी असेल. एअर इंडियानं आपल्या अधिसूचनेत म्हटलं आहे की, "भारतीय राष्ट्रीयत्वाच्या ज्येष्ठ नागरिकांसाठी, कायमस्वरूपी भारतात राहणार्‍या आणि प्रवास सुरू करण्याच्या तारखेला ज्यांचे वय ६० वर्षे पूर्ण झालेले असेल, त्यांना तिकिटे बुक करताना ही सवलत मिळेल."

अहवालानुसार, ही योजना केवळ इकॉनॉमी केबिनमधील निवडक बुकिंग वर्गांवर लागू आहे. तसंच, फ्लाइट तिकिटाच्या एकूण रकमेत केवळ मूळ भाडेच नाही तर इतर शुल्क देखील समाविष्ट असेल. याचा संदर्भ देत, नागरी विमान वाहतूक महासंचालक यांनी सांगितलं की संभाव्य विमान भाड्यात सामान्य वापरकर्ता टर्मिनल फी, विमानतळ आणि किंवा वापरकर्ता विकास शुल्क कर, एअरलाइन इंधन शुल्क आणि इतर कोणतेही लागू सुविधा शुल्क यांचा समावेश असेल.

बुकिंगच्या वेळी, तिकीट बुक करण्यासाठी, जन्मतारीख असलेले कोणतेही वैध फोटो आयडी, एअर इंडियाने जारी केलेले ज्येष्ठ नागरिक ओळखपत्र इत्यादी सादर करावे लागतील. तथापि, बोर्डिंग गेटवर किंवा चेक इनच्या वेळी आयडी किंवा कागदपत्रे प्रदान न केल्यास, मूळ भाडे जप्त केले जाईल आणि तिकीटाचे भाडे परत न करण्यायोग्य होईल आणि फक्त कर व शुल्क परत केले जातील. पुढे, चेक इन करताना ओळखीचा पुरावा दाखवण्यात कोणी अपयशी ठरल्यास बोर्डिंग नाकारले जाईल. या योजनेसाठी पात्र असलेले लोक देशात कुठेही प्रवास करू शकतील.